ഡോ. അംബേദ്കറുടെ സമ്പൂര്‍ണകൃതികള്‍ വാല്യം 1

ഡോ. അംബേദ്കറുടെ സമ്പൂര്‍ണകൃതികള്‍ വിവര്‍ത്തനം ചെയ്തു പ്രസിദ്ധീകരിക്കുന്ന വിപുലമായ പദ്ധതിയുടെ ഭാഗമായാണ്‌ മലയാള വിവര്‍ത്തനം പ്രസിദ്ധീകരിക്കുന്നത്‌. കേന്ദ്രതലത്തിൽ ഇതിന്‍െറ ചുമതല ഡല്‍ഫിയിലെ അംബേദ്കര്‍ ഫാണ്ടേഷനാണ്‌. അംബേദ്കര്‍ ഫണ്ടേഷനുവേണ്ടി മലയാള പരിഭാഷ പ്രസിദ്ധീകരിക്കുന്നതിനുള്ള ചുമതല കേരള ഭാഷാ ഇന്‍സ്റ്റിറ്റൂട്ടാണ്‌ നിര്‍വഹിക്കുന്നത്‌. മഹാരാഷ്ട്ര ഗവൺമെന്‍റ്‌ പ്രസിദ്ധീകരിച്ച ഇംഗ്ലീഷിലുള്ള വാല്യങ്ങളാണ്‌ പരിഭാഷയ്ക്ക്‌ സ്വീകരിച്ചിട്ടുള്ളത്‌. വലിയ ഇംഗ്ലീഷ്‌ വാല്യങ്ങള്‍ മലയാളത്തില്‍ രണ്ടോ മൂന്നോ വാല്യങ്ങളായിട്ടാണ്‌ പ്രസിദ്ധീകരിക്കുന്നത്‌;

ഇംഗ്ലീഷിലെ ഒന്നാംവാല്യം മലയാളത്തില്‍ രണ്ടുവാല്യങ്ങളായിട്ടാണ്‌ പ്രസിദ്ധീകരിക്കുന്നത്‌. ഇംഗ്ലീഷില്‍ ഒന്നാംവാല്യത്തിലെ പാര്‍ട്ട്‌ 1| ആണ്‌ മലയാളത്തിലെ വാല്യം 1. ജാതിയെപ്പറ്റി, ഭാഷാസംസ്ഥാനങ്ങളെപ്പറ്റി, വീരനായകന്മാരെയും വീരാരാധനയെയും പറ്റി എന്നിങ്ങനെ മൂന്നു ഭാഗങ്ങളിലായി ആറു പ്രബന്ധങ്ങളാണ്‌ ഇതിലൂള്‍ക്കൊള്ളിച്ചിട്ടുള്ളത്‌. ഇന്ത്യയിലെ ജാതികള്‍, ജാതിനിര്‍മൂലനം, മഹാരാഷ്ട്ര ഒരു ഭാഷാപ്രവിശ്യയെന്ന നിലയില്‍, ഭാഷാ സംസ്ഥാനത്തെ സംബന്ധിച്ച ചിന്തകള്‍, റാനഡെ ഗാന്ധി ജിന്ന എന്നിവയാണ്‌ പ്രസതുത പ്രബന്ധങ്ങള്‍.
മലയാളത്തിലെ വൈജ്ഞാനിക സാഹിത്യശാഖയ്ക്ക്‌ വലിയൊരു മുതല്‍ക്കൂട്ടാണ്‌ ഈ ഗ്രന്ഥപരമ്പരയുടെ പ്രസാധനം. അതുപോലെ, രാഷ്ട്രീയ സാമൂഹിക ജീവിതത്തിലും ഈ ഗ്രന്ഥം അനല്പമായ സ്വാധീനം ചെലുത്തും എന്നു ഞങ്ങള്‍ പ്രത്യാശിക്കുന്നു.